ГАЛЕБ
ГАЛЕБ
Антон Павлович Чехов
Превод од руски: Оливера Павловиќ
Адаптација и режија: Багрјана Попова
Сценограф: Валентин Светозарев
Костимограф: Благој Мицевски
Светло-мајстор: Горан Петровски
Тон-мајстор: Александар Димовски
Автор на плакатот: Сашо Илковски
Суфлер: Мирјана Христовска
Инспициент: Димитар Михајловски
Премиера на Охридско лето: 22.07.2024
Премиера во Н.У. Театар Битола: 14.09.2024
Играат:
Јулијана Мирчевска
Илија Волчевски
Огнен Дранговски
Катерина Аневска- Дранговска
Васко Мавровски
Соња Ошавкова
Леонида Гулевска
Александар Димитровски
Живко Борисовски
Валентин Дамчевски
Дарко Велкоски
За „Галеб“ на Чехов
Неколкумина блиски луѓе, посветени на уметноста и заљубеници во неа, се собираат на имотот (познатото Чеховско место на дејствие во неговите пиеси) на најстариот од нив на вообичаена семејна средба, но таа станува повод за соочување со сопствениот живот и преиспитување на меѓусебните односи. Во таа „проверка“ на своите животи, судирајќи се еден со друг и секој самиот со себе, во потрага по сопствениот идентитет, се обидуваат да дојдат до смислата и да го потврдат значењето на она што го прават и што го очекуваат од себеси и од другите. Претстава за судирот на мечтите и реалноста, за копнежот по хармонијата на животот, за промашените животи, кои се обидуваат да ја најдат смислата на живеењето преку творештвото, за маката на создавањето, за стремежот кон идеалот што инспирира, но и може да ја изобличи реалноста во која се живее… Ова е пиеса за љубовта („Многу разговори за литературата, малку дејствие, пет пудови љубов“, така Чехов се шегувал давајќи карактеристика за пиесата), за невозвратените чувства, за заемното недоразбирање, за горкото разочарување од себеси и другите, за обидот да се најде одѕив во другата душа и достоинствено да се износи тежината на сопствениот живот.
Оливера Павловиќ, драматург
„Ме привлекува ова езеро, како галеб“
„Како да се разбудив и видов дека одненадеж езерото пресуши“
Во оваа претстава ја истражуваме улогата на езерото и животната средина во корелација со животите на луѓето. Галебот прикажува една еколошка средина во која што езерото, човечките односи, љубовта, животот и дивиот свет се меѓусебно поврзани и кревки.
Млад човек живее покрај езеро, во провинции, изолиран. Тој сонува да биде уметник. Младата жена во која е вљубен сонува да биде актерка. Неговата мајка е позната актерка. Нејзиниот љубовник е познат писател. Оваа прекрасна, нежна претстава нè води во светот на уметноста, љубовта, сонот за слава и болната реалност на животот.
Чехов ја нарече претставата комедија, но последниот момент е трагичен, со загубата на младиот Костја. Претставата ги наметнува прашањата: Како може да се избегне оваа загуба? Можеме ли подобро да се грижиме за луѓето и природата?
Со актерите од Битолскиот театар го носиме галебот овде и сега, со езерото како централен карактер, суптилно влијаејќи на односите кои се одвиваат околу него. Волшебната претстава на Чехов е љубовно писмо за животот, носејќи ја нашата свест до кршливост и потребата за грижа.
Багријана Попов, режисер