“Ѓоре Магаревски” и 80 години подоцна останува да биде приказна за антихеројот. Борбата за слобода на македонскиот народ трае со векови испреплетена со дволичност, лицемерие, предавства… со еден збор испреплетена со Ѓоревци, жално но вистинито. Борбата за слобода заврши 1944 година но истата до ден денес тлее во сите нас, некои ја нарекуваат борба за слобода на мислата, некои на духот, изразувањето, идентитетот… Нас театарџиите во наследство ни остана црвената завеса која била спасена во разрушениот театар од страна на окупаторот но за жал не го преживеала уништувањето од страна на домашниот непријател, некој си Ѓоре, триесетина години подоцна. Некои се бореа под црвеното знаме и паролата “Слобода или смрт” некои извикуваа “Смрт на фашизмот, слобода на народот” нашата парола денес под црвената театарска завеса е “Театарот повторно твој”!