Претставата „Госпоѓа Бовари“ од Гистав Флобер, во режија на Дејан Пројковски, ќе ја има својата премиера вечерва во 20 часот на сцената на Народниот театар Битола. Премиерата е дел од „Бит фест“, а се реализира со поддршка на КИЦ Битола и Општина Битола. Директорот на Театарот, Васко Марковски го посочи позитивниот пример во кој централната и локалната власт заеднички вложуваат напори за да може културата да функционира подобро.
